អាជ្ញាធរក្នុងតំបន់បាននិយាយកាលពីថ្ងៃអាទិត្យថា គ្រោះរញ្ជួយដីកម្រិត 5.5 រ៉ិចទ័រ បានវាយប្រហារតំបន់ Andean នៃប្រទេសប៉េរូ ដោយបានសម្លាប់មនុស្សយ៉ាងហោចណាស់ 5 នាក់ ។
មកទល់ពេលនេះ មនុស្សជាង ២០នាក់បានរងរបួស និង ៣០០នាក់ត្រូវភៀសខ្លួន។
ទីភ្នាក់ងារស្ទាបស្ទង់ភូមិសាស្ត្រអាមេរិក (USGS) បានរាយការណ៍ពីការរញ្ជួយដីនៅម៉ោង 9:24 យប់។ ម៉ោងក្នុងស្រុកនៅថ្ងៃសៅរ៍។ ចំណុចកណ្តាលនៃការរញ្ជួយដីនេះមានចម្ងាយពីរគីឡូម៉ែត្រពីភាគនិរតីនៃទីក្រុង Sicaya ក្នុងខេត្ត Huancayo ។
ហេតុការណ៍នេះបានកើតឡើងក្នុងជម្រៅ១០គីឡូម៉ែត្រ ។
វិទ្យាស្ថានការពារជនស៊ីវិលជាតិរបស់ប្រទេសប៉េរូបាននិយាយនៅក្នុងសេចក្តីថ្លែងការណ៍មួយថាចំនួនអ្នកបាត់ខ្លួនសរុបនៅមិនទាន់ដឹងនៅឡើយ។
អគារជាច្រើនបានដួលរលំ ឬរងការខូចខាតរចនាសម្ព័ន្ធ រួមទាំងព្រះវិហារ និងវត្តអារាមក្នុងតំបន់ផងដែរ។
រូបភាពដែលត្រូវបានផ្សព្វផ្សាយដោយប្រព័ន្ធផ្សព្វផ្សាយក្នុងស្រុកបានបង្ហាញពីទុក្ខលំបាករបស់សាច់ញាតិជនរងគ្រោះនៅក្នុងតំបន់ដែលរងគ្រោះខ្លាំងជាងគេគឺតំបន់កសិកម្ម Chongo Bajo ដែលអ្នកស្រុកបានពួននៅក្រោមភួយនៅខាងក្រៅផ្ទះដែលរងការខូចខាតយ៉ាងធ្ងន់ធ្ងរ។ សត្វក៏ត្រូវបានគេឃើញនៅក្នុងចំណោមគំនរបាក់បែកដែរ។
នៅឆ្នាំ ២០០៧ ការរញ្ជួយដីកម្រិត ៧.៩ រិចទ័របានវាយប្រហារខេត្ត Pisco ក្នុងតំបន់ Ica ដោយបានសម្លាប់មនុស្សជិត ៦០០ នាក់ ។ ការរញ្ជួយដីគឺជារឿងធម្មតានៅក្នុងប្រទេសប៉េរូ ពីព្រោះប្រទេសនេះស្ថិតនៅក្នុងតំបន់ប៉ាស៊ីហ្វិកដែលគេហៅថា “ចិញ្ចៀនភ្លើង” ។ (AP) NPK
