កងទ័ពអ៊ីស្រាអែលបានបញ្ជាក់កាលពីថ្ងៃសៅរ៍ថា ខ្លួនបានសម្លាប់មេដឹកនាំស្លាបប្រដាប់អាវុធនៃចលនាអ៊ីស្លាមនិយមប៉ាឡេស្ទីន Hamas ដែលត្រូវបានគេចាត់ទុកថាជាស្ថាបត្យករសំខាន់ម្នាក់នៃការវាយប្រហារថ្ងៃទី 7 ខែតុលា ឆ្នាំ 2023 នៅក្នុងការវាយប្រហារមួយកាលពីថ្ងៃមុននៅតំបន់ហ្គាហ្សាស្ទ្រីប។
កងទ័ពអ៊ីស្រាអែល និងទីភ្នាក់ងារស៊ើបការណ៍សម្ងាត់ផ្ទៃក្នុង Shin Bet “ប្រកាស (…) ថាភេរវករ Ezzedine al-Haddad ត្រូវបានលុបបំបាត់” យោងតាមសេចក្តីប្រកាសព័ត៌មាន ព័ត៌មាននេះក៏ត្រូវបានបញ្ជាក់ដោយមន្ត្រីហាម៉ាសផងដែរ។ ក្រសួងការពារជាតិអ៊ីស្រាអែលបានប្រកាសកាលពីថ្ងៃសុក្រថា ខ្លួនបានកំណត់គោលដៅលើមន្ត្រីក្រុមហាម៉ាសនេះ ដោយមិនបានបញ្ជាក់ពីការស្លាប់របស់គាត់ឡើយ។
