ខណ្ឌមានជ័យ ៖ យុវជន ២នាក់ បានជិះម៉ូតូវ៉ាជែង បញ្ច្រាសទិសដៅចរាចរណ៍ ទៅផ្លូវម្ខាងទៀត ជ្រុលទៅបុកម៉ូតូមួយគ្រឿងទៀត ជិះដោយយុវជន ២នាក់ ពេញទំហឹង បណ្ដាលឲ្យស្លាប់ម្នាក់ និងរបួសធ្ងន់ស្រាល ៣នាក់ កាលពីម៉ោង ១០ យប់ ថ្ងៃទី១២ ខែមករា ឆ្នាំ២០២៥ នៅជិតរង្វង់មូលព្រះនរាយ៍ ផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។

សមត្ថកិច្ច បានឲ្យដឹងថា សពជនរងគ្រោះ មានឈ្មោះ នុន ម៉េងហៀង ភេទប្រុស អាយុ ១៨ ឆ្នាំ មុខរបរ ដឹកជញ្ជូនតាមអនឡាញ ស្នាក់នៅ ភូមិលេង៤ សង្កាត់ស្វាយរលំ ក្រុងតាខ្មៅ ។ មុនពេលកេីតហេតុ គេបានឃើញយុវជន ២នាក់ បានជិះម៉ូតូម៉ាកហុងដាឌ្រីម សេរីឆ្នាំ០១៧ ពណ៌ខ្មៅ ពាក់ស្លាកលេខ ភ្នំពេញ 1GL 1337 តាមបណ្ដោយផ្លូវជាតិលេខ២ ក្នុងទិសដៅពីត្បូងទៅជើង ខណៈមកដល់ចំណុចកេីតហេតុ ស្រាប់តែមានយុវជន ២នាក់ទៀត បានជិះម៉ូតូម៉ាកហុងដាឌ្រីម សេរីឆ្នាំ០២៥ ពណ៌ខ្មៅ ពាក់ស្លាកលេខ ភ្នំពេញ 1LB 8896 បានជិះតាមបណ្ដោយផ្លូវជាតិលេខ២ ក្នុងទិសដៅ ពីជពីជើងទៅត្បូងយ៉ាងលឿន បានវ៉ាជែង ចូលទៅគន្លងផ្លូវម្ខាងទៀត ជ្រុលទៅបុកម៉ូតូហុងដាឌ្រីមសេរីឆ្នាំ០១៧ ពេញទំហឹង បណ្ដាលឲ្យភាគីខាងម៉ូតូហុងដាឌ្រីម សេរីឆ្នាំ០២៥ ដែលជិះបញ្ច្រាសស្លាប់ម្នាក់៕