ខណ្ឌដង្កោ ៖ បុរសម្នាក់សង្ស័យស្រវឹង បេីករថយន្តម៉ាក TUNTRA ជ្រុលទៅបុករថយន្តកុងតឺន័រ សណ្តោងរ៉ឺម៉ក ដែលចតស្ងៀមនៅលើផ្លូវ ពីក្រោយពេញទំហឹង រងការខូចខាតផ្នែកខាងមុខ យ៉ាងដំណំ កាលពីវេលាម៉ោង ១១និង២០ នាទីយប់ ថ្ងៃទី១៩ ខែធ្នូ ឆ្នាំ២០២៤ ទល់មុខក្រុមហ៊ុនស្រាបៀរកម្ពុជា តាមបណ្ដោយផ្លូវ ២១៧ សង្កាត់ជេីងឯក ខណ្ឌដង្កោ រាជធានីភ្នំពេញ ។

មុនពេលកេីតហេតុ គេឃើញបុរសម្នាក់ បើករថយន្តម៉ាក TUNTRA ពណ៌ស ពាក់ផ្លាកលេខ ភ្នំពេញ 2BX- 7276 ធ្វើដំណើរតាមបណ្ដោយផ្លូវ២១៧ ទិសដៅពីត្បូងទៅជេីង ក្នុងល្បឿនយ៉ាងលឿន ក៍ជ្រុលទៅបុកពីក្រោយ រថយន្ដប្រភេទកុងតឺន័រ សណ្តោងរ៉ឺម៉ក ក្បាលពណ៌ស ពាក់ផ្លាកលេខ ព្រះសីហនុ 3A -7335 ដែលចតស្ងៀមនៅលើផ្លូវ បណ្តាលឲ្យរថយន្តខ្ទេច ស្រុញផ្នែកខាងមុខ ផ្ទុះពោងសុវត្ថិភាព អ្នកបេីកបររបួសតិចតួច ត្រូវបានសមត្ថកិច្ចឃាត់ ប្រគល់ឲ្យផ្នែកជំនាញចរាចរណ៍ ដើម្បីចាត់ការបន្ត៕