ខណ្ឌដូនពេញ ៖ នារីម្នាក់បានបើករថយន្ត ឡិចសុីស NX200T ទៅបុកបង្គោល ស្លាកសញ្ញាបង្ហាញផ្លូវ បាក់ ១ដើម បណ្តាលឲ្យរថយន្ដក្រឡាប់ផ្ងារជើង និងរងការខូចខាតយ៉ាងដំណំ កាលពីវេលាម៉ោង ៤ ទៀបភ្លឺ ថ្ងៃទី០២ ខែធ្នូ ឆ្នាំ២០២៤ ស្ថិតនៅតាមបណ្តោយផ្លូវបឹងកក់ ទល់មុខរដ្ឋាករទឹកស្វ័យ័ត ក្រុងភ្នំពេញ សង្កាត់ស្រះចក ខណ្ឌដូនពេញ រាជធានីភ្នំពេញ ។

នារីជាម្ចាស់រថយន្ត បានឲ្យដឹងថា មុនពេលកើតហេតុ គាត់បានបើកបររថយន្ត ឡិចសុីស NX200T ពណ៌ស ធ្វើដំណើរឆ្លងកាត់បឹងកក់ លុះមកដល់ចំណុចផ្លូវកោង គាត់បានជ្រុះទូរស័ព្ទ ក៏អោនរើសទូរស័ព្ទ បណ្តាលឲ្យរេចង្កូត ជ្រុលទៅបុកក្បាលនាគ ពុះចែកទ្រូងផ្លូវ ពេញទំហឹង បណ្តាលឲ្យក្រឡាប់រថយន្តភ្លាមៗតែម្តង ហើយករណីនេះ មិនបានបង្ករបួសស្នាម ដល់អ្នកដទៃនោះទេ៕