ខណ្ឌពោធិសែនជ័យ ៖ យុវជន ២នាក់ បានស្លាប់ភ្លាមៗ នៅកន្លែងកើតហេតុ បន្ទាប់ពីជិះម៉ូតូឌុបគ្នា វ៉ាជែងទាក់ដៃចង្កូត ជាមួយម៉ូតូមួយគ្រឿងទៀត បុកចូលក្រោមកង់ រថយន្តកុងតឺន័រ កិនទាំងម៉ូតូនិងមនុស្ស អូសជជាច្រើនម៉ែត្រ កាលពីវេលាម៉ោង ៨:៣០ នាទីយប់ ថ្ងៃទី២៤ ខែវិច្ឆិកា ឆ្នាំ២០២៤ ស្ថិតនៅតាមបណ្ដោយផ្លូវចោមចៅ ទល់មុខ ផ្សារត្រពាំងថ្លឹង សង្កាត់ចោមចៅទី១ ខណ្ឌពោធិសែនជ័យ។

សពជនរងគ្រោះទី១-ឈ្មោះ បាត់ សំបូរ ភេទប្រុស អាយុ ១៩ឆ្នាំ ធ្វើការងាររោងចក្របច្ចុប្បន្ន ស្នាក់នៅភូមិទ្រា៤សង្កាត់ ស្ទឹងមានជ័យមានស្រុកកំណើត ស្រុងបាភ្នំ ខេត្តព្រៃវែង ។ សពជនរងគ្រោះទី២-ឈ្មោះ ហុីម រតនា ភេទប្រុស អាយុ ១៧ឆ្នាំ មានស្រុកកំណើត នៅស្រុក ស្ទឹងសែន ខេត្តកំពង់ធំ ។

ជនរងគ្រោះ បានជិះម៉ូតូ ម៉ាកហុងដាឌ្រីមពណ៌ខ្មៅ មិនចាំស្លាកលេខ តាមបណ្ដោយផ្លូវចោមចៅ ទិសដៅពីកើតមកលិច ក្នុងល្បឿនលឿន ស្រាប់តែបើកឡើងវ៉ាជែង ទៅទាក់ដៃចង្កូត ជាមួយម៉ូតូមួយគ្រឿងទៀត មិនស្គាល់ម៉ាក បណ្តាលឲ្យរេចង្កូតជ្រុលទៅខាងឆ្វេងដៃ បុកកាងរថយន្តកុងតឺន័រពណ៌ត្រេអ៊ី ពាក់ផ្លាកលេខ ខេមរភូមិន្ទ 02 3-0674 បណ្តាលឲ្យដួលចូលក្រោមកង់រថយន្ត កិនទាំងម៉ូតូកិនទាំងមនុស្ស បណ្ដាលឲ្យស្លាប់ទាំង ២នាក់៕