ខណ្ឌឫស្សីកែវ ៖ បុរសម្នាក់ បានគាបជាប់កាប៊ីនរថយន្ត ត្រូវបានប្រជាពលរដ្ឋជួយគាស់ និងដឹកបញ្ជូនទៅសង្គ្រោះ នៅឯមន្ទីរពេទ្យភ្លាមៗ ដោយសារថយន្តដឹកអង្ករ ទៅបុករបាំងថ្ម ពុះចែកទ្រូងផ្លូវ ពេញទំហឹង កាលពីវេលាម៉ោង ៤ ទៀបភ្លឺ ថ្ងៃទី៥ ខែកញ្ញា ឆ្នាំ២០២៣ ស្ថិតនៅបណ្តោយ ផ្លូវជាតិលេខ៥ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។

មុនកើតហេតុ គេឃើញរថយន្តម៉ាក ហ៊ីយ៉ាន់ដាយ ពណ៌ខៀវ ពាក់ផ្លាកលេខ ភ្នំពេញ 3B-2545 បើកតាមបណ្ដោយជាតិលេខ៥ ទិសដៅពីជើងមកត្បូង ក្នុងល្បឿនលឿន សង្ស័យតៃកុង ងងុយដេកផងនោះ ក៏ជ្រុលទៅបុក របាំងថ្មពុះចែកទ្រូងផ្លូវ ពេញទំហឹង បណ្ដាលឱ្យរបាំងថ្ម បាក់វៀចអស់ ៧កង់ រីឯរថយន្តបង្កខ្ទេចមួយកំណាត់ គាបជាប់តៃកុងនៅក្នុងកាប៊ីន រងរបួសធ្ងន់៕