ខណ្ឌទួលគោក ៖ នារីម្នាក់ ជាជនបរទេស បានបើករថយន្ត ម៉ាក Jeep ក្នុងល្បឿនលឿន ជ្រុលទៅបុក បង្គោលភ្លើង និងខឿនចែកទ្រូងផ្លូវ រងការខូចខាត យ៉ាងដំណំ កាលពីវេលាម៉ោង ១០និង៣០ នាទីយប់ ថ្ងៃទី ២៣ ខែ កក្ដដា ឆ្នាំ២០២៣ នៅតាមបណ្ដោយ ផ្លូវលេខ២៧១ ត្រង់ចំណុចមុខ វិទ្យាល័យ ជាស៊ីម សាមគ្គី ស្ថិតក្នុង សង្កាត់បឹងសាឡាង ខណ្ឌទួលគោក រាជធានីភ្នំពេញ ។

មុនពេលកើតហេតុ គេឃើញនារីម្នាក់ ជាជនជាតិបរទេស បើករថយន្ត ម៉ាក Jeep ពណ៌ខ្មៅ ពាក់ស្លាកលេខ ភ្នំពេញ 2AX-1488 បោះពួយក្នុងល្បឿនលឿន ទិសដៅពីកើតទៅលិច ស្រាប់តែរេចង្កូត ទៅបុកបង្គោលថ្ម លើខឿនផ្លូវ បាក់អស់ ៧កង់ រួចបន្តទៅបុក របាំងថ្មពុះចែកទ្រូងផ្លូវ បាក់អស់ ២កង់ និងបង្គោលភ្លើងបំភ្លឺផ្លូវ មួយដើមទៀត ទៅមុខលែងរួច រងការខូចខាត ផ្នែកខាងមុខយ៉ាងដំណំ៕