ខណ្ឌមានជ័យ ៖ រថយន្តតាកូម៉ា បើកដោយបុរសម្នាក់ ក្នុងល្បឿនលឿន ជ្រុលទៅបុក ក្បាលព្រួញពុះចែកទ្រូងផ្លូវ គល់ស្ពានអាកាស ស្ទឹងមានជ័យ ក្រឡាប់ផ្ងារជើង កាលពីវេលាម៉ោង ១០ យប់ ថ្ងៃទី២៤ ខែមករា ឆ្នាំ២០២៣ នៅ តាមបណ្តោយផ្លូវ ព្រះមុនីរ៉េត ស្ថិតក្នុង សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។

រថយន្តបង្ករ ម៉ាកតាកូម៉ា ពណ៌ទឹកប្រាក់ ពាក់ស្លាកលេខ ភ្នំពេញ 2BM-9813 ធ្វើដំណើរក្នុងទិសដៅ ពីលិចទៅកើត បានទៅបុក ក្បាលព្រួញពុះចែកទ្រូងផ្លូវ ស្ពានស្ទឹងមានជ័យ ពេញទំហឹង បណ្ដាលឲ្យរថយន្ត ក្រឡាប់ផ្ងារជើងម្ខាង តែសំណាងល្អ មិនមានអ្នករងរបួស ហើយរថយន្ត ត្រូវបានបញ្ជូន ទៅរក្សាទុក នៅការិយាល័យ ចរាចរណ៍ផ្លូវគោក រង់ចាំធ្វើការដោះស្រាយ តាមច្បាប់៕