ខណ្ឌចំការមន ៖ បុរសម្នាក់ ជិះម៉ូតូហុងដាប៊ិត វ៉ាកាត់ពីមុខ រថយន្តក្រឡុកសុីម៉ង់ត៍ តែមិនផុត ហើយរថយន្ដចាប់ហ្រ្វាំងមិនទាន់ ក៍ជ្រុលទៅបុកកិនទាំងម៉ូតូនិងមនុស្ស ស្លាប់មួយរំពេច កាលពីវេលាម៉ោង ១១និង១៥ នាទីយប់ថ្ងៃ ទី៩ ខែធ្នូ ឆ្នាំ២០២៤ ចំនុចក្រោមស្ពានអាកាសក្បាលថ្នល់ សាងសង់ថ្មីផ្លូវមុនីវង្ស សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

សពជនរងគ្រោះ មានឈ្មោះ រ៉េត ប៊ុន សារៈ ភេទប្រុស អាយុ ២៨ឆ្នាំ មុខរបរកម្មករសំណង់ មានស្រុកកំណើត ភូមិតានន ឃុំត្នោត ស្រុកបាទី ខេត្តតាកែវ ។ មុនដំបូងគេឃើញ រថយន្តប្រភេទក្រឡុក បេតុងម៉ាក HINO ពណ៌ក្រហមលាយស របស់ក្រុមហ៊ុន SCG ពាក់ផ្លាកលេខ ភ្នំពេញ 5A-0995 បើកតាមបណ្ដោយផ្លូវព្រះមុនីវង្ស ទិសដៅពីត្បូងទៅជេីង បត់ឡេីងទៅផ្លូវ២៧១ ហេីយគាប់ជួន ជនរងគ្រោះបានជិះម៉ូតូ ម៉ាកហុងដាប៊ិតពណ៌ខ្មៅ ធ្វើដំណើរស្របទិសជាមួយរថយន្ត ហើយបានវ៉ាឆ្វេងបត់កាត់ ពីមុខរថយន្ត ក៍ត្រូវរថយន្តបុកអូសទាំងម៉ូតូនិងមនុស្ស ចំពាក់កណ្ដាលខ្លួន ស្លាប់មួយរំពេច៕