ខណ្ឌដង្កោ ៖ បុរស ២នាក់ ត្រូវជាបងប្អូនបង្កើត ជិះម៉ូតូមិនប្រយ័ត្ន បុកជាមួយរថយន្តបែន ដែលកំពុងបើកបត់ត្រលប់ក្រោយ បណ្តាលឱ្យអ្នកបើកម៉ូតូដួល ចូលក្រោមរថយន្ត កិនធ្លាយខួរស្លាប់ម្នាក់ និងម្នាក់ទៀត របួសស្រាល កាលពីវេលាម៉ោង ៨និង៤៥ នាទីយប់ថ្ងៃ ទី០៧ ខែវិច្ឆិកា ឆ្នាំ២០២៤ នៅតាមផ្លូវ ៥០ម៉ែត្រថ្មី ក្រោយផ្សារទំនើបអ៊ីអន៣ ភូមិរលួស សង្កាត់ជើងឯក ខណ្ឌដង្កោ ។

សពជនងគ្រោះ មានឈ្មោះ ឆេង ដាលៀស ភេទប្រុស អាយុ ៣១ឆ្នាំ មុខរបរជាងភ្លើង ស្នាក់នៅ ផ្ទះជួល សង្កាត់ជើងឯក ខណ្ឌដង្កោ អាសយដ្ឋាន ភូមិគោគចារ ឃុំគោគចារ ស្រុក តំបែរ ខេត្តត្បូងឃ្មុំ ។ មុខពេលកើតហេតុ ជនរងគ្រោះ ២នាក់បងប្អូន បានជិះម៉ូតូម៉ាកហុងដាឌ្រីម ពណ៌ខ្មៅ ពាក់ផ្លាកលេខ កណ្ដាល 1W 7199 ចេញពីញាំបាយ គោលបំណងត្រលប់ទៅបន្ទប់ជួលវិញ ក៏ជ្រុលទៅបុកនឹងរថយន្តប្រភេទបែនបើកចេញពីចាក់ដី បត់ត្រលប់ក្រោយវិញ ជួបគ្រោះថ្នាក់តែម្តង៕