ក្រុងប៉ោយប៉ែត ៖ សណ្ឋាគារ មីងឌូ ដែលជួលឱ្យជនជាតិចិន ស្នាក់​នៅ ត្រូវ​បានអគ្គិ​ភ័យ​ឆាប​ឆេះ ជាន់ទី៨ ជាកន្លែងដាក់សម្ភារ ខូចខាតអស់ស្ទើរទាំងស្រុង បង្កការភ្ញាក់ផ្អើល កាលពីវេលាម៉ោង ១០ យប់ថ្ងៃទី១៥ ខែកញ្ញា ឆ្នាំ២០២៣ ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។

៖សណ្ឋាគារនេះ មានកម្ពស់ ៨ជាន់ គិតទាំងជាន់ផ្ទាល់ដី ហើយជាន់ដែលអគ្គិភ័យឆាបឆេះ គឺជាន់ទី៨ ជាកន្លែងដាក់សម្ភារជាច្រើន ដោយបើកភ្លើងចោល ទាំងយប់ទាំងថ្ងៃ សម្រាប់អោយសន្តិសុខ មើលថែម្តងម្កាល ស្រាប់តែមានអគ្គិភ័យឆាបឆេះ។ សមត្ថកិច្ច បានប្រើប្រាស់ រថយន្តពន្លត់អគ្គិភ័យ ៦គ្រឿង ទើបគ្រប់គ្រងស្ថានការណ៍បាន រហូតរលត់ទាំងស្រុង តែមិនបណ្ដាលឲ្យ ភ្ញៀវបរទេសណាម្នាក់ រងរបួសនោះទេ៕