ខណ្ឌសែនសុខ ៖ បុរសម្នាក់ ចេញពីផឹកស៊ី បើករថយន្ត ឡិចស៊ីស RX-330 ជ្រុលទៅបុក រទេះលក់ខ្មៅ ២គ្រឿង ដែលកំពុងចតស្ងៀម រងការខូចខាត បង្កឱ្យមានការភ្ញាក់ផ្អើល កាលពីវេលាម៉ោង ២ យប់រំលងអធ្រាត្រ ឈានចូល ថ្ងៃទី១៥ ខែកញ្ញា ឆ្នាំ២០២៣ នៅតាមបណ្ដោយ ផ្លូវលេខ១៩៨៦ កែងនឹងផ្លូវលេខ១០០៧ ស្ថិតក្នុងសង្កាត់ ភ្នំពេញថ្មី ខណ្ឌសែនសុខ រាជធានីភ្នំពេញ។

មុនកើតហេតុគេឃើញ បុរសម្នាក់ បើករថយន្តឡិចស៊ីស RX-330 ពណ៌ស ពាក់ស្លាកលេខ ភ្នំពេញ 2AV-8365 តាមបណ្តោយផ្លូវលេខ១៩៨៦ ក្នុងទិសដៅ ពីលិចទៅកើត លុះមកដល់កន្លែងកើតហេតុ បានរេចង្កូតទៅខាងស្ដាំដៃ ជ្រុលទៅបុករទេះលក់ខ្ចៅ ២គ្រឿង ដែលចតស្ងៀម រងការខូចខាតយ៉ាងដំណំ។ ក្រោយមក សមត្ថកិច្ចមូលដ្ឋាន បានទំនាក់ទំនង ហៅសមត្ថកិច្ចជំនាញ ចុះមកធ្វើការវាស់វែង យករថយន្ត និងរទេះលក់ខ្ចៅ ទៅរក្សាទុក រង់ចាំធ្វើការដោះស្រាយ៕