ខណ្ឌច្បារអំពៅ ៖ បុរសម្នាក់ ជិះម៉ូតូ ក្នុងល្បឿនលឿន ជ្រុលទៅបុក រថយន្ត ម៉ាក Range Rover ដែលកំពុងបើកឆ្លងផ្លូវ ចំខាងមុខចំហៀងខាងឆ្វេង ពេញទំហឹង បណ្ដាលឱ្យអ្នកជិះម៉ូតូ បោកផ្ទប់នឹងរថយន្ត រងរបួសធ្ងន់ ត្រូវបានរថយន្តសាមុយ ដឹកយកទៅសង្គ្រោះ នៅមន្ទីរពេទ្យភ្លាមៗ កាលពីវេលាម៉ោង ១២និង២០ នាទី រំលងអធ្រាត្រ ឈានចូល ថ្ងៃទី០៥ ខែកញ្ញា ឆ្នាំ២០២៣ នៅតាមបណ្ដោយ ផ្លូវជាតិលេខ១ ស្ថិតក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។

ជនរងរបួស ជិះម៉ូតូ ម៉ាកហុងដា ADV ពណ៌ខ្មៅ ពាក់ស្លាកលេខ 1IT-3404 យ៉ាងលឿន ពីលិចទៅកើត ជ្រុលទៅបុករថយន្ត ម៉ាក Range Rover ពណ៌ស ពាក់ស្លាកលេខ ភ្នំពេញ 2 BK-6633 ដែលកំពុងបើកឆ្លងផ្លូវ ចំខាងមុខចំហៀងខាងឆ្វេង ពេញទំហឹង បណ្ដាលឱ្យអ្នកជិះម៉ូតូ បោកផ្ទប់នឹងរថយន្ត រងរបួសធ្ងន់ ត្រូវបានរថយន្តសាមុយ ដឹកយកទៅសង្គ្រោះ នៅមន្ទីរពេទ្យភ្លាមៗ ។ ចំណែកឯរថយន្ត និងម៉ូតូ រងការខូចខាតយ៉ាងដំណំ៕