ខណ្ឌចំការមន ៖ បុរសម្នាក់ រវល់ឱនរើសទូរស័ព្ទ បើករថយន្ត តូយ៉ូតាព្រូស ជ្រុលទៅបុក ក្បាលថ្មពុះចែកផ្លូវ រងការខូចខាត កាលពីវេលាម៉ោង ២និង៣ នាទី យប់រំលងអធ្រា ត្រឈានចូល ថ្ងៃទី១៥ ខែសីហា ឆ្នាំ២០២៣ នៅទល់មុខ ស្ថានទូតជប៉ុន ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

រថយន្តបង្កម៉ាក តូយ៉ួតាព្រូស ពណ៌ស ពាក់ផ្លាកលេខ ភ្នំពេញ 2AK -8123 ធ្វើដំណើរតាមបណ្ដោយផ្លូវ ព្រះនរោត្តម ក្នុងទិសដៅ ពីត្បូងទៅជើង លុះមកដល់ចំណុចកើតហេតុ ស្រាប់តែរេចង្កូត ទៅបុកក្បាលថ្ម ពុះចែកទ្រូងផ្លូវ បណ្ដាលឱ្យរថយន្ត រងការខូចខាត ផែ្នកខាងមុខ ចំហៀងខាងស្តាំ និងវៀចកង់មុខ ចំហៀងខាងស្តាំ ហើយរបាំងថ្មពុះចែកទ្រូងផ្លូវ រងការខូចខាត តិចតួចតែប៉ុណ្ណោះ៕