ខណ្ឌ៧មករា ៖ បុរសម្នាក់ បើករថយន្ត តូយ៉ូតា ព្រូស មួយគ្រឿង លឿនមិនប្រយ័ត្ន ជ្រុលទៅបុក ក្បាលរបាំងថ្ម ពុះចែកទ្រូងផ្លូវ បង្កការភ្ញាក់ផ្អើល កាលពីវេលាម៉ោង ៦និង៤០ នាទីព្រឹក ថ្ងៃទី១៤ ខែសីហា ឆ្នាំ២០២៣ នៅតាមបណ្តោយ ផ្លូវលេខ២៧៤ សង្កាត់វាលវង់ ខណ្ឌ៧មករា រាជធានីភ្នំពេញ ។

មុនពេលកើតហេតុ គេឃើញរថយន្ត ព្រូស មួយគ្រឿង ពាក់ផ្លាកលេខ កំពង់ស្ពឺ 2C. 0059 ពណ៌ទឹកមាស បើកបរដោយបុរសម្នាក់ បើកតាមបណ្ដោយផ្លូវ២៧៤ មិនយ៉ាងមេច ស្រាប់តែជ្រុលទៅបុក ក្បាលរបាំងថ្ម ពុះចែកទ្រូងផ្លូវ  ហើយឡើងលើឃឿន កល់ជាប់ទៅមុខលែងរួច ។ ក្រោយកើតហេតុ សមត្ថកិច្ចមូលដ្ឋាន បានទាក់ទង ទៅការិយាល័យចរាចរណ៍ផ្លូវគោក រាជធានីភ្នំពេញ មកស្ទូចយកទៅរក្សាទុក ដើម្បីដោះស្រាយ តាមនីតិវិធី៕