ខណ្ឌដង្កោ ៖ បុរសម្នាក់ ស្រវឹងស្រាជោកជាំ បើករថយន្ត ម៉ាក Tundra បោះពួយលឿនដូចហោះ ពេលដល់ផ្លូវកោង បានជ្រុលទៅបុក របងយានដ្ឋាន ជួសជុលរថយន្ត រួចបន្តបុកទម្លុះ របងជញ្ជាំងថ្ម បាក់ខ្ទេចអស់១ផ្ទាំង ប៉ះរថយន្ត ២គ្រឿងទៀត រងការខូចខាតយ៉ាងដំណំ លកាលពីវេលាម៉ោង ៩និង៥ នាទីយប់ ថ្ងៃទី០៥ ខែសីហា ឆ្នាំ២០២៣ នៅតាមបណ្ដោយផ្លូវព្រៃស ស្ថិតក្នុងសង្កាត់ ព្រៃវែង ខណ្ឌដង្កោ រាជធានីភ្នំពេញ ។

រថយន្តបង្ក ម៉ាកធុនដ្រា ពណ៌ស ពាក់ស្លាកលេខ ភ្នំពេញ 2BK-9404 បោះពួយលឿនដូចហោះ ក្នុងស្ថានភាពស្រវឹង ដល់ផ្លូវកោង បានជ្រុលទៅបុក របងសង្ក័សីយានដ្ឋាន ជួសជុលរថយន្ត ខូចខាតអស់ជាច្រើនផ្ទាំង រួចបន្តទៅបុក ទម្លុះរបងជញ្ជាំងថ្ម បាក់ខ្ទេចអស់ ១ផ្ទាំងធំទៀត ។ បន្ទាប់មករថយន្តបង្ក បានហោះទៅបុក រថយន្តចំនួន ២គ្រឿងទៀត គឺរថយន្តម៉ាកតូយ៉ូតា ព្រុស ពណ៌ទឹកប្រាក់ ពាក់ស្លាកលេខ ភ្នំពេញ 2BN-9590 រងការខូចខាត ស្ទើរតែទាំងស្រុង និងរថយន្តម៉ាក កាមរីហាយប្រ៊ីដ ពណ៌ទឹកមាស ពាក់ស្លាកលេខ ខេមរភូមិន្ទ01 2.1322 រងការខូចខាត ផ្នែកខាងក្រោយ យ៉ាងដំណំ៕