ខណ្ឌមានជ័យ ៖ បុរសម្នាក់ ជិះម៉ូតូហុងដាឌ្រីម ក្នុងល្បឿនលឿន បានរេចង្កូតទៅបុក របាំងថ្មពុះចែកផ្លូវ យ៉ាងពេញទំហឹង បណ្ដាលឱ្យដួល បោកក្បាល ស្លាប់មួយរំពេច កាលពីវេលាម៉ោង ៣និង០០ នាទីទៀបភ្លឺ ឈានចូល ថ្ងៃទី៣១ ខែកក្កដា ឆ្នាំ២០២៣ ស្ថិតនៅតាម បណ្តោយផ្លូវ២៧១ ជាប់គល់ស្ពានអាកាស ស្ទឹងមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។

មុនពេលកើតហេតុ គេឃើញជនរងគ្រោះ បានជិះម៉ូតូ ម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១១ ពាក់ផ្លាកលេខ ភ្នំពេញ 1AX-5235 ធ្វើដំណើរ តាមបណ្តោយផ្លូវ២៧១ ទិសដៅពីត្បូងទៅជើង ក្នុងល្បឿនយ៉ាងលឿន លុះមកដល់ចំណុចកើតហេតុ បានរេចង្កូត ទៅបុករបាំងថ្មពុះចែកទ្រូងផ្លូវ ចំពាក់កណ្តាលពេញទំហឹង បណ្តាលឱ្យជនរងគ្រោះ ដួលបោកក្បាល ផ្ទប់នៅហ្នឹងផ្លូវ ស្លាប់ភ្លាមៗ។ សមត្ថកិច្ច បានធ្វើកំណត់ហេតុ ប្រគល់សពទៅឱ្យខាង រថយន្តសាមុ យដឹកយកទៅតម្កល់ នៅវត្តទឹកថ្លា ដើម្បីស្វែងរកសាច់ញាតិ ឱ្យមកទទួលយកទៅធ្វើបុណ្យ តាមប្រពៃណី ៕