ខណ្ឌឬស្សីកែវ ៖ បុរសម្នាក់ បើករថយន្ត ម៉ាក TACOMA យ៉ាងលឿន មិនប្រយ័ត្ន រេចង្កូតជ្រុលទៅបុក របាំងថ្ម ពុះចែកទ្រូងផ្លូវពេញទំហឹង បណ្ដាលឲ្យរថយន្ត ក្រឡាប់ផ្ងារជើង កាលវេលាម៉ោង ៧និង៤០ នាទី យប់ថ្ងៃទី២៣ ខែ ឧសភា ឆ្នាំ២០២៣ ស្ថិតនៅតាម បណ្ដោយផ្លូវ៥៩៨ ចំណុចលីហួរ លក់រថយន្ត ក្នុងសង្កាត់ ទួលសង្កែ ២ ខណ្ឌឬស្សីកែវ។

មុនពេលកើតហេតុ គេឃើញបុរសម្នាក់ សង្ស័យស្រវឹង បើករថយន្តម៉ាក TACOMA ពណ៌ទឹកប្រាក់ ពាក់ផ្លាកលេខ ភ្នំពេញ 2BA 9352 ធ្វើដំណើរ ទិសដៅពីត្បូងទៅជើង យ៉ាងលឿន ក៏បានរេចង្កូត ជ្រុលទៅបុករបាំងថ្ម ចែកទ្រូងផ្លូវពេញទំហឹង បណ្ដាលឲ្យរថយន្ត ក្រឡាប់ផ្ងារជើង ហើយតៃកុង បានលូនចេញ ពីក្នុងរថយន្ត គេចខ្លួនបាត់៕