ខណ្ឌដង្កោ ៖ បុរសម្នាក់ បានចូលទៅ ម៉ាស្សាកោសជប់ នៅហាងមួយកន្លែង យីហោ តម្លៃ ១០០០០ រៀល រយះពេលមួយម៉ោង ពេលរួចរាល់ ក៏បង់លុយ ហើយជិះម៉ូតូមកផ្ទះ រហូតដល់ម៉ោង ១២និង១០ នាទី រំលងអធ្រាត ឈានចូលថ្ងៃទី២៣ ខែមីនា ឆ្នាំ២០២៣ ទើបត្រលប់មកវិញ ឡូឡា រឿងបាត់លុយពិត ៩០០ ដុល្លា ឃើញតែលុយក្លែងក្លាយ ចំនួន ៨០០ដុល្លា និងលុយសុទ្ធ ចំនួន ១០០ដុល្លា បង្កការភ្ញាក់ផ្អើល ដល់សមត្ថកិច្ច ចុះទៅអន្តរាគមន៍ ស្ថិតនៅតាម បណ្តោយផ្លូវ៣៧១ ក្នុងសង្កាត់ដង្កោ ខណ្ឌដង្កោ ។

បុរសរងគ្រោះ សុំមិនបញ្ចេញឈ្មោះ បានឱ្យដឹងថា មុនកើតហេតុ គាត់មានលុយសុទ្ធ ទុកនៅក្នុងកាបូប ចំនួន ៩០០ដុល្លា សម្រាប់ទិញម៉ូតូ បានចូលទៅ ម៉ាស្សា នៅក្នុងហាង យីហោ តម្លៃ ១០០០០រៀល ។ ក្រោយពីម៉ាស្សារួច គាត់ក៏បានជិះម៉ូតូ ត្រឡប់ទៅផ្ទះវិញ មួយសន្ទុះក្រោយមក ក៏បានបើកកាបូបមើល និងរាប់លុយ ស្រាប់តែឃើញលុយ ក្រដាស ១០០ដុល្លាក្លែងក្លាយ ចំនួន ៨០០ដុល្លា និងលុយសុទ្ធ ចំនួន ១០០ដុល្លា នៅក្នុងកាបូប ។ គាត់បានមក ទីតាំងម៉ាស្សាវិញ និងបានទៅដាក់ពាក្យបណ្តឹង នៅប៉ុស្ដិ៍រដ្ឋបាលដង្កោ ដើម្បីសុំឱ្យសមត្ថកិច្ច ជួយអន្តរាគមន៍៕