ខណ្ឌដូនពេញ ៖ បុរសម្នាក់ បានរងរបួសធ្ងន់ ដោយសាររថយន្ត ម៉ាកមែរសឺដេស បើកបុកម៉ូតូហុងដាស្គូពី នៅត្រង់ចំណុចផ្លូវបំបែកជាបួន ពេញទំហឹង និងអូសជាច្រើនម៉ែត្រ កាលពីវេលាម៉ោង ១២និង ៥៥ នាទី រំលងអធ្រាត្រ ឈានចូល ថ្ងៃទី២៥ ខែកុម្ភៈ ឆ្នាំ២០២៣ នៅតាមបណ្ដោយផ្លូវR6 កែងនឹងផ្លូវR8 ស្ថិតក្នុងបរិវេណបឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ។

មុនកើតហេតុ គេឃើញរថយន្ត ម៉ាកមែរសឺដេស ពណ៌ប្រផេះ ពាក់ផ្លាកលេខ ភ្នំពេញ 2AK-7653 បើកបរតាមបណ្ដោយផ្លូវR6 ក្នុងទិសដៅ ពីត្បូងទៅជើង លុះមកដល់ចំណុចកើតហេតុ ជាផ្លូវបំបែកជាបួន ក៏បានបុកជាមួយម៉ូតូ ម៉ាកហុងដាស្គូពី ពណ៌ស ពាក់ផ្លាកលេខ ភ្នំពេញ 1II-3562 បើកតាមបណ្ដោយផ្លូវR8 ក្នុងទិសដៅពីលិចទៅកើត ចំពីចំហៀងពេញទំហឹង បណ្ដាលឱ្យម៉ូតូដួល អូសទៅអែបចិញ្ចើមផ្លូវ រងការខូចខាតយ៉ាងដំណំ ចំណែកអ្នកបើកម៉ូតូ រងរបួសធ្ងន់៕