ស្រុកខ្សាច់កណ្តាល ៖ យុវជនម្នាក់ បានស្លាប់បាត់បង់ជីវិត យ៉ាងអាណោចអាធ័ម ដោយសារ ត្រាក់ទ័រមួយគ្រឿង បើកមិនប្រកាន់ស្តាំ ខ្វះការប្រុងប្រយ័ត្ន បុកជាមួយម៉ូតូ កាលពីវេលាម៉ោង ១៨និង៣០ នាទី ថ្ងៃទី៣១ ខែមករា ឆ្នំា២០២៣ នៅចំណុចផ្លូវ382A ស្ថិតក្នុងភូមិត្បូងដំរី ឃុំកំពង់ចម្លង ស្រុកខ្សាច់កណ្តាល ខេត្តកណ្តាល ។

សមត្ថកិច្ច បានឱ្យដឹងថា អ្នកបើកត្រាក់ទ័រ មិនស្គាល់អត្តសញ្ញាណ បានបើករត់គេចខ្លួន បាត់ស្រមោល ។ ចំណែក ជនរងគ្រោះ ស្លាប់បាត់បង់ជីវិត ឈ្មោះ វឿន ឆានី ភេទប្រុស អាយុ ២៥ឆ្នាំ មានទីលំនៅ ភូមិបាក់ដាវលើ ឃុំបាក់ដាវ ស្រុកខ្សាច់កណ្ដាល ខេត្ដកណ្ដាល បើកបរម៉ូតូ ម៉ាកហុងដាឌ្រីម សេ១២៥ ពណ៌ ខ្មៅ ពាក់ផ្លាកលេខ កណ្តាល 1I-1356។ មន្ត្រីជំណាញ បានសន្និដ្ឋានថា ត្រាក់ទ័របង្កហេតុខាងលើ បើកបរមិនប្រកាន់ស្តាំ និងខ្វះការប្រុងប្រយត្ន័៕