ខណ្ឌឬស្សីកែវ ៖ ស្រីស្អាតម្នាក់ បើករថយន្តម៉ាក Mazda បត់ឆ្លងផ្លូវ មិនប្រយ័ត្ន ជ្រុលបុកម៉ូតូ កំពុងឈប់ស្តុប រងការខូចខាត បង្កការភ្ញាក់ផ្អើល កាលពីវេលាម៉ោង ១១ យប់ថ្ងៃទី២៥ ខែមករា ឆ្នាំ២០២៣ នៅត្រង់ចំណុច ការ៉ាស់សាំងតេលា តាមបណ្ដោយផ្លូវ ៥៩៨ កែងនឹងផ្លូវបេតុង ស្ថិតក្នុងសង្កាត់ ទួលសង្កែទី១ ខណ្ឌឬស្សីកែវ រាជធានីភ្នំពេញ។

មុនកើតហេតុ គេឃើញ បុរស ២នាក់ ជិះម៉ូតូ ម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៩ ពាក់ផ្លាកលេខ កំពង់ធំ 1L-8334 ធ្វើដំណើរ តាមបណ្ដោយ ផ្លូវបេតុង ទិសដៅពីត្បូងទៅជើង បានឈប់ចាំភ្លើងស្តុប ក៏មានរថយន្តម៉ាក Mazda ពណ៌ក្រហម ពាក់ផ្លាកលេខ ភ្នំពេញ 2AF-6938 ធ្វើដំណើរតាម បណ្ដោយផ្លូវ ៥៩៨ ទិសដៅ ពីកើតទៅលិច បានបត់ឆ្វេងដៃឆ្លងផ្លូវ ក៏ជ្រុលបុកម៉ូតូចំ ពីមុខពេញទំហឹង រងការខូចខាត ហើយបានចេញសំណង ២០០ដុល្លារ ទៅឲ្យខាងភាគីម៉ូតូ ដើម្បីបញ្ចប់រឿង៕